સતગુરુ વચનના થાવ અધિકારી‚ પાનબાઈ !
મેલી દેજો અંતરનું માન રે‚
આળસ મેલીને તમે આવો રે મેદાનમાં ને
સમજી લેજો સત ગુરુની સાન…
સતગુરુ વચનના થાવ અધિકારી‚ પાનબાઈ !..૦
અંતર ભાંગ્યા વિના‚ ઉભરો નહીં આવે પાનબાઈ !
પછી તો હરિ દેખાય સાક્ષાત‚
સતસંગ રસ એ તો અગમ અપાર છે‚
તે તો પીવે કોઈ પીવનહાર…
સતગુરુ વચનના થાવ અધિકારી‚ પાનબાઈ !..૦
ધડ રે ઉપર જેને શિશ નવ મળે પાનબાઈ !
એવો ખેલ છે ખાંડા કેરી ધાર
એમ રે તમારું શિશ ઉતારો‚ પાન બાઈ !
તો તો રમાડું તમને બાવન બાર…
સતગુરુ વચનના થાવ અધિકારી‚ પાનબાઈ !..૦
હું ને મારું ઈ તો મનનું છે કારણ‚ પાનબાઈ !
ઈ મન જ્યારે મટી જાય
ગંગા સતી એમ બોલીયા ત્યારે
પછી હતું તેમ દરશાય…
સતગુરુ વચનના થાવ અધિકારી‚ પાનબાઈ !..
No comments:
Post a Comment