જો આનંદ સંત ફ્રકીર કરે

જો આનંદ સંત ફ્રકીર કરે,વો આનંદ નાહીં અમીરી મેં;
સુખ દુ.ખ મેં સમતા સાધ ધરે, તો કુછ ખોફ નહીં જાગીરી મેં.

હર રંગમેં સેવક રૂપ રહે, અમૃત જલ તાજું ફૂપ રહે;
સત્કર્મ કરે છતાંયે ચૂપ રહે, ભલે છાંવ મિલે યા ધૂપ રહે,
નિસ્પૂહી બને જગમેં વિચરે, રહેવે ધીરગંભીરી મેં.
આનંદ સંત ફ્રકીર...
જગ તારણ કારણ દેહ ધરે, સત્ સેવા કરે જગ પાપ હરે,
જીજ્ઞાસુ કે ઘટ મેં જ્ઞાન ભરે, સત્તવાણી સદા મુખ સે ઉચ્ચરે;
ષડ્ રિપુ કો વશ કર રંગ મેં રમે, રહેવે સદા શૂરવીરી મેં.
આનંદ સંત ફ્રકીર...
સદબોધ જગતમેં આઇ કહે, સત્ મારગ કો દિખલાઈ કહે,
ગુરુજ્ઞાન સે પદ યે ગાઈ કહે,"સત્તાર" શબ્દ સમજાઈ કહે;
મરજીવા બને ઈ તો મોજ કરે, રહેવે અલમસ્ત ફકીરી મેં
આનંદ સંત ફ્રકીર...

ઈશ્વર તું પણ, છે વિજ્ઞાની

ઈશ્વર તું પણ, છે વિજ્ઞાની
પથ્થર અંદર જીવ જીવે ને
બંધ શ્રીફળમાં પાણી

ઈશ્વર… ઈશ્વર તું પણ છે વિજ્ઞાની !


જવાબ દેને … જવાબ દેને , પોલા નભમાં
સૂર્ય, ચંદ્ર ક્યાં રહેતા હશે ..
સૂર્ય, ચંદ્ર ક્યાં રહેતા હશે…

જનની ના ઉદરમાં, જીવ જીવે એ વાયુ ક્યાંથી લેતો હશે

તું સર્જાવે, તું સંહારે પણ
રાખે નહિ નિશાની

ઈશ્વર …. ઈશ્વર તું પણ છે વિજ્ઞાની !

પય પાન માટે, જાદુગર તે
લોહીનું દૂધ બનાવ્યું જ રામ …
લોહીનું દૂધ બનાવ્યું

કયે કર્મે આ જીવ અવતરે
એ તો ના સમજાયું જ રામ

કોને બંધન આમાં કોને મુક્તિ
વાત રાખે છે છાની

ઈશ્વર.. ઈશ્વર તું પણ છે વિજ્ઞાની !

પથ્થર અંદર જીવ જીવે ને
બંધ શ્રીફળમાં પાણી

ઈશ્વર … ઈશ્વર તું પણ છે વિજ્ઞાની !