સત સૃષ્ટિ તાંડવ રચયિતા, નટરાજ રાજ નમો નમઃ Sat Srushti tandav rachyita nataraj raj namo namah

 સત સૃષ્ટિ તાંડવ રચયિતા, નટરાજ રાજ નમો નમઃ

હે આદ્ય ગુરુ શંકર પિતા, નટરાજ રાજ નમો નમઃ

ગંભીર નાદ મૃદંગના, ધબકે ઉર બ્રહ્માંડમા

નિત હોત નાદ પ્રચંડના, નટરાજ રાજ નમો નમઃ

શિર જ્ઞાન ગંગા ચંદ્રમા, ચિદ્ બ્રહ્મ જ્યોતિ લલાટમા

વિષ નાગ માલા કંઠમા, નટરાજ રાજ નમો નમઃ

તવ શક્તિ વા માંગે સ્થિતા, હે ચંદ્રિકા અપરાજિતા

ચહુ વેદ ગાયે સંહિતા, નટરાજ રાજ નમો નમઃ

Sat Srushti tandav rachyita nataraj raj namo namah

he aadhya guru shankar pita nataraj raj namo namah

એવા ઘોડલા ચડંતા રે હે દીઠયા રામાપીરનાં રે જી Eva ghodla chadanta re dithya ramapir na re ji

 હે હરભૂજીને હૈયે હરખ અપાર રે હાં...

એવા ઘોડલા ચડંતા રે હે દીઠયા રામાપીરનાં રે જી

હે એવા હેતે ને પ્રીતે હેજી ભાયું પરસ્પર ભેટયા રે જી

હે અને કીધી કસુંબાની મનવાર રે હાં...

એવી ભ્રાત્યુંને ભાંગીને હેજી હરભૂજી એમ બોલીયા રે જી

હે સુણ્યા અમે અમંગળ સમાચાર રે હાં...

એવા વચન વધાવે હેજી પડયા રામાપીરજી રે જી

હે અને નકલંક નેજાધારી અવતાર રે હાં...

આવા હરિનાં ચરણે રે "હરભૂજી" આવું બોલીયા રે જી

હે દેજો અમને તમારાં ચરણે વાસ રે જી

Eva ghodla chadanta re dithya ramapir na re ji

Ramapir Bhajan

સાચું પૂછો તો ઘટોઘટમાં ચિરાગ-એ-તૂર છે

 સાચું પૂછો તો ઘટોઘટમાં ચિરાગ-એ-તૂર છે;

દિવ્ય દ્રષ્ટિ એ જણાયે છતાં પણ દૂર છે

આત્મા અમર હોવા છતાં, આ દેહ તો ક્ષણ ભંગુર છે;

એ અનાદિ કાળનો એક ચાલતો દસ્તુર છે

અરે વિશ્વમાં આજે ઘણાં કહેણી તણા મજદૂર છે;

જ્ઞાનીઓ સમજો જરા, રહેણી વિના ઘર દૂર છે

સત્ત અનુભવ પામતા, શરમાઈ જાશો શેખજી;

એક અલ્લાહ છે, ત્યાં ના સ્વર્ગ છે ના હુર છે

જ્ઞાન દ્રષ્ટિ એ જુઓ તો, આત્મદર્શન પામશો;

દેહ નું બંધન જો રહ્યું તો જાણો મુક્તિ દૂર છે

લાખો જીવો ને હણવાથી, કહેવાઈએ શૂરવીર ના;

જે હણે ષડ રિપુ ને એ જ સાચો શૂર છે

લાખ યુક્તિએ છુપાવો, ખૂને નાહક ના છુપે;

મહેંદી નું એક એક પાનું જુઓ ખૂન થી ભરપુર છે

માટે વહેમ ભૂલી ને જુઓ, "સત્તાર" સાચા પ્રેમને;

પ્રેમ શૂરાપાનમાં પ્રેમીજનો ચકચુર છે

Sachu puchho to ghatoghat ma chirag e tur chhe

divya drashti ejanaye chhata pan dur chhe

Satar saheb gujarati bhajan

ભાગ કાળીંગા ભાગી જાને, હે તને ગુરુ દેવાંગી મારશે Bhag kalinga bhagi jane he tane guru devangi marshe

 ભાગ કાળીંગા ભાગી જાને, હે તને ગુરુ દેવાંગી મારશે

દેવળ માથે જોને દેવળી, ત્યાં ઘેરા ઘેરા શંખ વાગશે;

ગદા પદમ શંખ ચક્ર લઇને, બાવો કાળીંગાને સંહારશે

ઉત્તર દક્ષિણ ને પૂર્વ પશ્ચિમ, ઉત્તરથી દળ આવશે;

મોટા મોટા મહા યોધ્ધા, હે ઘેરી ઘેરી તને મારશે

ત્રાંબા પિત્તળની હે બાવો ઘાણીયું માંડશે, એમાં લોઢાની લાઠીયું પુરાવશે;

તારી નાડીનાં તેલ કાઢીને, બાવો મશાલોમાં પુરાવશે

ગુરુ દેવાંગીનાં હે જોને પાટ આગળ, ઝળહળ જ્યોતું જલાવશે;

દેવાંગી પ્રતાપે "પીર સાદણ" બોલીયા, એ સતયુગ ફરી સ્થાપશે

Bhag kalinga bhagi jane he tane guru devangi marshe

વેળાનાં વછૂટ્યા રે હે ભવો ભેળા નહીં થઈએ Vela na vachhutya re he bhavo bhela nahi thaiye

વેળાનાં વછૂટ્યા રે હે ભવો ભેળા નહીં થઈએ

ભવથી વછૂટ્યા રે આપણે, કોઈ'દિ ભેળા નહીં થઈએ

આવી બેલડીયું રે બાંધીને રે, હે બેની બજારુંમાં મહાલતા રે;

ઈ બેલડીયે દગો દીધો મોરી સૈ

વેળાનાં વછૂટ્યા રે...

આ મહેરામણ માયાળુ રે, હે એના બચલાં મેલી હાલ્યો બેટમાં રે;

ઈ પંખીડે લીધી વિદેશની રે વાટ

વેળાનાં વછૂટ્યા રે...

આ હૈયા માથે હોળી રે, હે બેની ખાંતીલો ખડકી ગયો;

આવી ઝાંપે ઝરાળું લાગી રે, હે અગ્નિ ક્યાં જઈને હું ઓલવું રે

હે ઝરાળું બેની હે પ્રગટી પંડય ની માહીં

વેળાનાં વછૂટ્યા રે...

આવા "લખમો માળી" કહે છે રે, હે વડા ધણીને અમારી આ વિનંતી;

હે સાંભળી લ્યો હે ગરીબે નવાઝ

વેળાનાં વછૂટ્યા રે...

Vela na vachhutya re he bhavo bhela nahi thaiye

Bhav thi vachhutya re aapne koidi bhela nahi thaiye

મારું ચિતડું ચોરાયેલ રે, મારું મનડું હેરાયેલ રે Maru chitadu chorayel re

  મારું ચિતડું ચોરાયેલ રે, મારું મનડું હેરાયેલ રે

આ કોડીલા રે કુંવર કાન સે

આતો પ્રીતું છે પૂરવની, હેજી નવીયું નહીં થાય હે મારા નાથજી રે;

હે મૈં વારી જાઉં

છુપાવી નહીં રહે છાની, હે ભલે ને જાય આ શરીર રે;

હે ઓધાજી વાતું કોને અમે કરીએ

હે મારું ચિતડું...

આમાં દિવસ જાય છે દોહ્યલા કનૈયા વિનાનાં, હેજી જાણે જુગ જેવડા રે;

હે મૈં વારી જાઉં

રૂદન અમે કરતાં. હેજી રજની વીતી જાય રે

ઓધાજી વાતું કોને અમે કરીએ

હે મારું ચિતડું...

અરે ધીરજ કેમ ધરીએ હવે, વ્હાલીડા વિરહમાં હેજી વિસમે રે;

હે મૈં વારી જાઉં

આ વિરહ થી કરીને, હેજી તપે માંહ્યલા શરીર રે;

ઓધાજી વાતું કોને અમે કરીએ

હે મારું ચિતડું...

આતો "મોરાર" નાં સ્વામીને, હેજી ગોપીજન એમ વિનવે રે;

હે મૈં વારી જાઉં

દર્શન અમને દેજો પ્રભુજી, હેજી દીનનાં દયાળ રે

ઓધાજી વાતું કોને અમે કરીએ

હે મારું ચિતડું...

Maru chitadu chorayel re maru manadu harayel re

Kodilakuvar kanji re

બાપ બેટાનાં દાણ માંગે છે, એ તો મસાણ ભૂમિ મોજાર

 બાપ બેટાનાં દાણ માંગે છે, એ તો મસાણ ભૂમિ મોજાર

એકલી ઊભી કોઈ અટૂલી અયોધ્યાની નાર

રાણી હતી તે દાસી બની, અને દાસ બન્યા છે કુમાર;

વચન ખાતર હરિશ્ચન્દ્ર વેચાણા બારવાળા ને દ્વાર

ભૂત હોંકારે અને પ્રેત પોકારે, ડાકણનાં પડકાર;

તોય તારાદે નું દિલ ન કંપ્યું, કંપી ઉઠયા કિરતાર

ઓઢણી ફાડીને લાશ ઓઢાડી, ચૂમી લીધી બે-ચાર;

જાયાની માથે ઊભી જનેતા, આભ ડોલાવણ હાર

બળતી ચિતામાંથી ઈંધણ લાવી, પુત્રની પાલનહાર;

ફૂંક મારે અને આગ ચેતાવે, તોય સળગે નહીં અંગાર

દાણ દીધા વિણ દાગ ન દેજે, હાક ઊઠી તે વાર;

સામે જુએ ત્યાં તો સ્વામી પોતાનો, તાણી ઊભો તલવાર

હાલ્યો હેમાળો અને ધરણી ધ્રુજી, અને દેવોનાં કંપ્યા દ્વાર;

શિવ બ્રહ્મા હરિ દોડીને આવ્યા, એને તાપ લાગ્યો તે વાર

ધન્ય રાજા - રાણી ટેક તમારી, ધન્ય છે રાજકુમાર;

"કાગ" કહે તારા કુળમાં લઈશું અમે અયોધ્યામાં અવતાર

Bap beta na dan magechhe eto masan bhumi mojar

સાંભળો મનગમતા માનવ, આ પથ્થર પસંદ મેં આમ કર્યો

 વાયુ વાદળ સૂરજ ચંદર, વ્યોમ ભોમ પાતાળ ની અંદર;

પછી ભલે હોય મસ્જીદ કે મંદર, પણ સત્ત તત્ત્વમાં તું જ નિરંતર

નિરાકાર છતાં સાકાર થઈ, તું ઠરી ઠરી પાષાણ ઠર્યો;

માટે કહે ને ઓ કરુણાનાં સાગર, આ પથ્થર પસંદ તે કેમ કર્યો

ભાવે સ્વભાવે નોખા ન્યારા, ફૂલ અને પથ્થર વચ્ચે અંતર;

કદી ફૂલ મરે પાષાણની નીચે, પણ તું ફૂલ નીચે પાષાણ મર્યો

પાષાણ નું હૈયું ખોલી, મંદિર ભરની મૂર્તિ ડોલી;

શિલાનો શણગાર સજી, સર્જનહાર હસી ઉછર્યો

સાંભળો મનગમતા માનવ, આ પથ્થર પસંદ મેં કેમ કર્યો !

રામ બનીને માનવ કુળમાં, હું આ જગત માં અવતર્યો;

ત્યારે ફૂલ ઢગ જે મેં કચર્યો, તે આજે મારે શિર ધર્યો

સીતાને લઈને, રાવણ જયારે લંકા પાર ફર્યો;

ત્યારે આ માનવ કોઈ મને કામ ન આવ્યા;

આ પથ્થરથી હું સામે પાર ઉતર્યો

સાંભળો મનગમતા માનવ, આ પથ્થર પસંદ મેં આમ કર્યો

Vayu vadal suraj chandar vyom bhom patal ni andar

Sambhalo mangamata maanav aa patthar pasand me aam karyo

આવો નવલાખ લોબડીયાળી, આવોને ભેળીયાવાળી Avo Navlakh Lobadiyali avo bheliyavali

આવો નવલાખ લોબડીયાળી, આવોને ભેડિયાવાળી

તારા બાળુડા રે બોલાવે, હવે તમે આવો વીશભુજાળી

તારા બાળુડા રે બોલાવે, હવે તમે આવો ને બિરદાળી

કોઇને લાલ લોબડીયું, કોઈને કાંધે રે કામળીયું;

માડી અસુરને રે સંહારવા, આઇ મા ત્રિશુળ લઈને દોડીયું

સાતે બહેનું સામટિયું, મામડીયાની ધીયડીયું (દીકરીયું);

અમારી ધાહ રે સૂણીને, દોડ જે આવીને ધામડીયે

સિંહ ને બળદીયો સાથે જોડી, ગાડું રે હંકારીયું;

એને સૌ કોઈ જોઈને બોલ્યા, આવી હોય ચારણની દીકરીયું

પાટ ને પીઠડ આઇનાં, પૂજાય છે લાકડિયું;

પ્રગટ પરચા મેં તો ભાળ્યા, આયલમા દેવી રે દાનીયું

કળિયુગથી કંટાળી ગઈયું, નીંદરમાં ઘેરાણીયું;

વાર કરવા હવે આયલ, દોડજે વીશભુજાળીયું

દીવડાની જ્યોતું ઝળહળે, ઉતરે છે આરતીયું;

"ભરત" કવિ એમ વીનવે, માતાજી સુણજે રે સાદડિયું

Avo Navlakh Lobadiyali avo bheliyavali

Tarabaluda bolave have tame aavo vish bhujali

હે વંદન વંદન આશાપુરા માતને Vandan Vandan Ashapura maat ne

હે વંદન વંદન આશાપુરા માતને

હે દેશ અને વિદેશમાં વિખ્યાત રે કચ્છ દેશની દેવી

આશરો રે માંગુ આશાપુરા આઈનો

હે એવી પોઠું રે આવી છે પરદેશથી;

હે મેઘલી માથે ઘોર અંધારી રાત રે કચ્છ દેશની દેવી

આશરો રે માંગુ આશાપુરા આઈનો

હે એવા તંબુ રે તાણ્યા તમારા ચોકમાં;

હે સપને આવી શેઠને કીધી શાન રે કચ્છ દેશની દેવી

આશરો રે માંગુ આશાપુરા આઈનો

હે ઝબકીને જાગી રે જોયું વાણિયે;

હે વળી વિચાર્યું કેમ આવે વિશ્વાસ રે કચ્છ દેશની દેવી

આશરો રે માંગુ આશાપુરા આઈનો

હે એવું શ્રીફળ આપ્યું એંધાણીનું સોડમાં;

હે ચુંદડી ચોખા મૂક્યા મસ્તક પાસ રે કચ્છ દેશની દેવી

આશરો રે માંગુ આશાપુરા આઈનો

હે એવી જાણી રે જાણી જનેતાને જાગતી;

હે આપ દીયો આ દાસને શું આદેશ રે કચ્છ દેશની દેવી

આશરો રે માંગુ આશાપુરા આઈનો

હે એવા દેવચંદ બંધાવે માનાં દેવળો;

હે હામ ધરીને લોભ કર્યો નહીં લેશ રે કચ્છ દેશની દેવી

આશરો રે માંગુ આશાપુરા આઈનો

હે એવા દેવળ બંધાવી ભોગળ ભીડીયા;

હે ખટમાસે મા પ્રગટ્યા આપો આપ રે કચ્છ દેશની દેવી

આશરો રે માંગુ આશાપુરા આઈનો

હે એવા ચાંચર રમવાને રે માડી નિસર્યા;

હે દેવળ વાગે ઘેરી ઘેરી ડાક રે કચ્છ દેશની દેવી

આશરો રે માંગુ આશાપુરા આઈનો

હે મહાજન માને છે માની માનતા;

હે માને નમે યદુવંશ તણા ભૂપાળ રે કચ્છ દેશની દેવી

આશરો રે માંગુ આશાપુરા આઈનો

હે કુળદેવી તું છો કચ્છ રાજની;

હે આઈ ફરે છે દેશ આખામાં આણ રે કચ્છ દેશની દેવી

આશરો રે માંગુ આશાપુરા આઈનો

હે "ચંદુભા" ચરણ ૨જ આપની;

હે તારજો માડી જાડેજાની જાત રે કચ્છ દેશની દેવી

આશરો રે માંગુ આશાપુરા આઈનો

He eva Vandan Vandan Ashapura maat ne Kutchh Bhajan Ashapura mataji bhajan