પીર રામદે પરણાવે તમે પરણો ભાટી હરજી, Ramde parnave tame parno bhati harji

રામદે પરણાવે તમે પરણો ભાટી હરજી,
આરે કળિયુગમાં અમને કુંવારા રહેવા દયો,
                         રામદે પરણાવે તમે...

હો લુગઈ આવે તો પીરજી દમડા રે માંગે,
દમડા હું ક્યાંથી લઇ આવું મારા પીરજી,
દમડા જોઈએ તો હરજી દમડા તને આપું,
વાણોતર બની ને ઘરે આવું ભાટી હરજી,
                         રામદે પરણાવે તમે...

હો લુગઈ આવે તો પીરજી કપડાં રે માંગે,
કપડાં હું ક્યાંથી લઇ આવું મારા પીરજી,
કપડાં જોઈએ તો હરજી કપડાં તને આપું,
દોશીડો બનીને ઘરે આવું ભાટી હરજી,
                         રામદે પરણાવે તમે...

હો લુગઈ આવે તો પીરજી ચૂડલો રે માંગે,
ચૂડલો હું ક્યાંથી લઇ આવું મારા પીરજી,
ચૂડલો જોઈએ તો હરજી ચૂડલો તને આપું,
મણિયારો બની ને ઘરે આવું ભાટી હરજી,
                         રામદે પરણાવે તમે...

હો લુગઈ આવે તો પીરજી સોનું રે માંગે,
સોનું હું ક્યાંથી લઇ આવું મારા પીરજી,
સોનું જોઈએ તો હરજી સોનું તને આપું,
સોનીળો બનીને ઘરે આવું ભાટી હરજી,
                         રામદે પરણાવે તમે...

સાસુ ગણું હું મારી સગી રે બેનડી,
સસરો મારો સગો રે બનેવી,
કુંવારી કન્યા મારી સગી રે ભાણેજડી,
મત કરો ને સગાઇ મોરા પીરજી,
હરિ ચરણે ભાટી હરજી રે બોલ્યા,
સ્વર્ગમાં સગાઇ કરોને મોરા પીરજી,
                            રામદે પરણાવે તમે...