કાનજી તારી મા કહેશે પણ અમે કાનુડો કહેશું રે

 કાનજી તારી મા કહેશે પણ અમે કાનુડો કહેશું રે…

એટલું કહેતા નહી માને તો ગોકુળ મેલી દેશું રે…
માખણ ખાતાં નહોતું આવડતું મુખ હતું તારૂં એંઠુ રે…
ગોપીઓએ તારું ઘર કેરાણુ જઈ ખુણામાં પેઠું રે…
કાનજી તારી મા….

ઝુલણ પહેરતાં નહોતું આવડતું અમે તે દી’ પહેરાવતાં રે…
ભરવાડોની ગાળ્યું ખાતો અમે તે દિ’ છોડાવતાં રે…કાનજી તારી મા….

કાલો ઘેલો તારા માત-પિતાનો અમને શેના કોડ રે…
કરમ સંજોગે આવી ભરાણા આંગણાં જોડાજોડ રે…કાનજી તારી મા….

ઘૂટણીયા ભેર હાલતો ચાલતો બોલતો કાલું ઘેલું રે…
ભલે મલ્યા મહેતા નરસિંહના સ્વામી પ્રેમ ભક્તિમાં રેલું રે…કાનજી તારી મા….

કાનજી તારી મા કહેશે પણ અમે કાનુડો કહેશું રે…
એટલું કહેતા નહી માને તો ગોકુળ મેલી દેશું રે…

Kanji tari ma kaheshe pan ame kanudo kaheshu re

Navratri garba song gujarati lyrics

તમારા દલડા ને વારો, મારા રે સમ માનો જી રે

 તમારા દલડા ને વારો, મારા રે સમ માનો જી રે

તમારા રુદિયા ને વારો, મારા રે સમ માનો જી રે...

હે... ક્યો તો ગોરાંદે મેડીયું ચણાવું અને ટોડલે મોરલા જડાવું, 

મારા રે સમ માનો જી રે

મેડીયું ના મોહ મારે મનડે નથી ને તારા હૈયડે વસ્યા ની મુને હામ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...


હે... ક્યો તો ગોરાંદે સોને રૂપલે મઢાવું પછી હારલા માં હિરલા જડાવું, 

મારા રે સમ માનો જી રે

સોના રૂપા નો મોહ મારે મનડે નથી ને તારી ચુંદડી ઓઢયા ની મુને હામ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...

હે... ક્યો તો ગોરાંદે મારા દલડા ઓવારૂ પછી પલ માં હું પાસરુ રે પ્રાણ, 

મારા રે સમ માનો જી રે

ઘણું જીવો રે મારા રંગભર રસિયા હું તો ભવભવ ના માંગુ સંગાથ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...

Tamara dalda ne varo mara re sam mano ji re

Navratri garba song gujarati lyrics

આવી છે નોરતાની રાત aavi chhe norta ni raat

 આવી છે નોરતાની રાત,

માડી હું જોઉં તારી વાટ, આવી છે નોરતાની રાત, માડી હું જોઉં તારી વાટ... ગરબે રમવા આવો હો મારી માઁ.. ગરબે રમવા આવો હો મારી માઁ.. (સુખકર્તી દુઃખહર્તી એવી મારી માઁ.. ભક્તોના દુઃખહર્તી એવી મારી માઁ..) x2 ગરબો શિરે રાખી સોળે સજીને.. સખી સહિયરો સાથે ટોળે વળીને.. માડીની આજુબાજુ સહિયરો ઝૂમે.. ચાચરના ચોકે માડી ગરબે ઘૂમે.. (માડીને રમતા જોઈ હૈયું હરખાય.. તમ દર્શનથી જીવન ધન્ય થાય..) × 2 જીવન ધન્ય થાય.. આવી છે નોરતાની રાત, માડી હું જોઉં તારી વાટ, હે માઁ.. હે માઁ.. હે માઁ.. હે માઁ.. આરાસુર વાળી અંબે માઁ ચોટીલે બિરાજે ચામુંડા.. ભગુડામાં સોહે મોગલ માઁ.. રાજપરા ધામે ખોડલ માઁ.. શંખલપુર બહુચર માડી ભદ્રમાં મહાકાળી ઉંઝામાં ઉમિયા માડી.. કુમકુમના પગલાં પાડી.. ઝાંઝરના ઝણકારે આવો સૌ રમવા માડી.. આવો માઁ આવો માઁ આવો.. આવો માઁ આવો માઁ આવો.. આવો માઁ આવો માઁ આવો.. આવો માઁ આવો માઁ આવો.. માઁ આવો, માઁ આવો.. માઁ આવો..

aavi chhe norta ni raat Gujarati song lyrics

Navratri garba song gujarati lyrics

આ રૂડીને રંગીલી રે વાલા તારી વાંસળી રે લોલ Rudi ne Rangili re Gujarati Garbo Lyrics

 આ રૂડીને રંગીલી રે વાલા તારી વાંસળી રે લોલ

વાંસલડી…. મારે મંદિરિયે સંભળાય જો

પાણીડાંની મશે રે જીવન જોવા નીસરી રે લોલ…

આ રૂડીને રંગીલી રે વાલા તારી વાંસળી રે લોલ

બેડા મેલ્યા મે તો માનસરોવર પાળ જો

ઈંઢોણી વળગાડી રે આંબલીયાની ડાળમાં રે લોલ…

આ રૂડીને રંગીલી રે વાલા તારી વાંસળી રે લોલ

વાગે તારી ઝાંઝરનો ઝણકાર જો

હળવા હળવા હાલો તમે રાણી રાધિકા રે લોલ…

આ રૂડીને રંગીલી રે વાલા તારી વાંસળી રે લોલ

જીવડો મારો આકુળ વ્યાકુળ થાય જો

અહીંયા મેં તો દીઠા રે કામણગારો કાન જી રે લોલ…

આ રૂડીને રંગીલી રે વાલા તારી વાંસળી રે લોલ

Rudi ne rangili re vala tari vansali re lol

Navratri garba song gujarati lyrics

અષાઢ ઉચ્ચારમ્, મેઘ મલ્હારમ્ Ashadh Ucharam Megh Malharam Gujarati Garba Lyrics

 અષાઢ ઉચ્ચારમ્, મેઘ મલ્હારમ્, બની બહારમ્, જલધારમ્

દાદુર ડક્કારમ્, મયુર પુકારમ્, તડિતા તારમ્, વિસ્તારમ્

ના લહી સંભારમ્, પ્યારો અપારમ્, નંદકુમારમ્ નિરખ્યારી

કહે રાધે પ્યારી, હું બલિહારી, ગોકુળ આવો ગિરધારી

શ્રાવણ જલ બરસે, સુંદર સરસેં, બાદલ ભરસે, અંબરસેં

તરુવર વિરિવરસે, લતા લહરસે, નદિયાં પરસે, સાગરસેં

દંપતી દુઃખ દરસે, સેજ સમરસેં, લગત જહરસેં, દુઃખકારી

કહે રાધે પ્યારી, હું બલિહારી, ગોકુળ આવો ગિરધારી

ભાદ્રવટ ભરિયા, ગિરિવર હરિયા, પ્રેમ પ્રસરિયા, તન તરિયા

મથુરામેં ગરિયા, ફેરન ફરિયા, કુબજા વરિયા, વસ કરિયાં

વ્રજરાજ વિસરિયા, કાજન સરિયા, મન નહિ ઠરિયા, હું હારી

કહે રાધે પ્યારી, હું બલિહારી, ગોકુળ આવો ગિરધારી

આસો મહિનારી, આસ વધારી, દન દશરારી, દરશારી

નવનિધિ નિહારી, ચઢી અટારી, વાટ સંભારી, મથુરારી

ભ્રખુભાન દુલારી, કહત પુકારી, તમે થીયારી તકરારી

કહે રાધે પ્યારી, હું બલિહારી, ગોકુળ આવો ગિરધારી

Navratri garba song gujarati lyrics

મે તો શણગાર્યો ચાચર ચોક, માડી ઘેર આવોને Gujarati Garba Lyrics

 મે તો શણગાર્યો ચાચર ચોક, માડી ઘેર આવોને

મે તો ગરબો માંડ્યો ગોળ, માડી ઘેર આવોને

વાગે ઢોલીડાના ઢોલ, માડી ઘેર આવોને

નવલી નવરાત્રીની રાત, માડી ઘેર આવોને

વાગે શરણાઈના ઢોલ, માડી ઘેર આવોને

મે તો શણગાર્યો ચાચર ચોક, માડી ઘેર આવોને

Meto shanagaryo chachar chowk madi gher aavo ne

Navratri garba song gujarati lyrics

મારા ઘટમાં બિરાજતા શ્રીનાથજી Garba Lyrics

 મારા ઘટમાં બિરાજતા શ્રીનાથજી યમુનાજી મહાપ્રભુજી

મારુ મનડું છે ગોકુલ વનરાવન

મારા તનના આંગિણયાંમાં તુલસીના વન

હે મારા પ્રાણ જીવન…

મારા આતમના આંગણે શ્રીમહાપ્રભુજી

મારી આંખો વશે ગિરધારી રે ધણી

મારુ તન મન ગયું છે જેને વારી રે વારી

હે મારા શ્યામ મોરારિ…

મારા ઘટમાં બિરાજતા શ્રીનાથજી યમુનાજી શ્રીમહાપ્રભુજી…

હું તો નિત્ય વિઠ્ઠલ વર ની સેવા રે કરું

હું તો આઠે સમા કેરી ઝાંખી રે કરું

મેં તો ચિતડું શ્રીનાથજી ને ચરણે ધર્યું

જીવન સફળ કર્યું…

મારા ઘટમાં બિરાજતા શ્રીનાથજી યમુનાજી શ્રીમહાપ્રભુજી…

હે મારા પ્રાણ થકી મને વૈષ્ણવ વ્હાલા

નિત્ય કરતા શ્રીનાથજી ને કાલા રે વાલા

મે તો વલ્લભ પ્રભુજી ના કીધાં છે દર્શન

મારું મોહી લીધું મન…

મારા ઘટમાં બિરાજતા શ્રીનાથજી યમુનાજી શ્રીમહાપ્રભુજી…

મેં તો ભક્તિ રે મારગ કેરો સંગ રે સાધ્યો

મેં તો પુષ્ટિ રે મારગ કેરો સંગ રે સાધ્યો

મને ધોળ કિર્તન કેરો રંગ રે લાગ્યો

મેં તો લાલાની લાલી કેરો નંગ રે માંગ્યો

હીરલો હાથ લાગ્યો…

મારા ઘટમાં બિરાજતા શ્રીનાથજી યમુનાજી શ્રીમહાપ્રભુજી…

મારી અંત સમય કેરી સુણો રે અરજી

લે જો શ્રીજીબાવા શરણોમાં દયા રે કરી

મને તેડાં રે યમ કેરાં કદી ન આવે

મારો નાથ તેડાવે…

મારા ઘટમાં બિરાજતા શ્રીનાથજી યમુનાજી શ્રીમહાપ્રભુજી…"

Mara ghat ma birajata shree nath ji Shrinathji Bhajan Lyrics 

Navratri garba song gujarati lyrics